മഹല്ല് ഭാരവാഹികൾക്ക് തങ്ങളുടെ പ്രദേശത്തെയും അവിടത്തെ മുഴുവൻ നിവാസികളെയും സംബന്ധിച്ച സാമാന്യം വിശദമായ അറിവും ധാരണയുമുണ്ടായിരിക്കണം. അതിനായി മഹല്ല് കമ്മിറ്റികൾ തങ്ങളുടെ പ്രവർത്തന വൃത്തത്തിലെ സ്ഥിതി സുക്ഷ്മമായി പഠിക്കാനാവശ്യമായ സർവ്വേ സംഘടിപ്പിക്കണം. ആകെ വീടുകൾ, ജനങ്ങൾ, ജാതി - മതം തിരിച്ചുള്ള കണക്ക്, പൊതു സാമ്പത്തിക സ്ഥിതി, സാമൂഹിക സാംസ്കാരികാവസ്ഥ, വിദ്യാഭ്യാസ സ്ഥാപനങ്ങൾ, മറ്റു പൊതുവേദികൾ, വിവിധ കൂട്ടായ്മകൾ തുടങ്ങിയവയെ സംബന്ധിച്ച് മനസ്സിലാക്കാൻ സാധിക്കുന്ന സർവേ നടത്തണം.