എല്ലാ മഹല്ലുകളിലും ഒരു വനിതാ വേദി ഉണ്ടാകുന്നത് നല്ലതാണ്. പ്രദേശത്തെ അധ്യാപകരും പൊതു പ്രവർത്തകരും വിദ്യാസമ്പന്നരുമായ വനിതകളായിരിക്കണം ഇതിന് നേതൃത്വം നൽകുന്നത്. സ്ത്രീകൾക്ക് വിവാഹത്തിനു മുമ്പും ശേഷവുമുള്ള കൗൺസലിംഗ്, സ്ത്രീകളായ രോഗികളുടെ പരിചരണം, വനിതകളുടെ മയ്യിത്ത് പരിപാലനം , വനിതകളുടെ ഖുർആൻ പഠനവേദി നടത്തൽ , തൊഴിൽ പരിശീലനം നൽകൽ, വിദ്യാർത്ഥിനികൾക്ക് ട്യൂഷൻ നൽകൽ പോലുള്ള പ്രവർത്തനങ്ങളിലൂടെ പ്രദേശത്തെ വനിതകളുടെ മതപരവും ഭൗതികവുമായ വളർച്ചക്ക് മഹല്ലിലെ സ്ത്രീകളുമായി ബന്ധപ്പെട്ട കാര്യങ്ങൾ നിർവ്വഹിക്കുന്നത് വനിതാ വേദിയായിരിക്കണം.